Avbestilling og endring

Har du ein fullt fleksibel billett (endringsbar og refunderbar) frå Vy, SJ NORD eller Go-Ahead (gjeld ikkje Jærbanen eller Arendalsbanen), eller ein fleksibel billett (endringsbar, ikke refunderbar) på Bergensbanen, som du ønskjer å endre, kan du gjere dette sjølv på Mine sider. Du kan endre billettype og avreisetidspunkt, men du kan ikkje endre reisestrekning.

Du kan endre enkeltbillettar og tur-retur-billettar sjøv på Mine sider. Billettar som inneheld byte er ikkje mogleg å endre på eiga hand. Det er heller ikkje mogleg å endre berre éin billett om det er fleire billettar i same booking. Ønskjer du å endre ein slik type billett kan du ringje kundeservice.

Merk:

• Ved endring til ein dyrare avgang må du betale mellomlegget.
• Ved endring til ein rimelegare avgang, vil du ikkje få refundert prisdifferansen.
• Du kan ikkje endre eller få refundert billett på Flåmsbana når det er mindre enn 24 timar før avreise.
• Lågprisbillettar kan ikkje endrast eller avbestillast.
• Du kan endre billettar sjølv inntil 5 gonger i løpet av 30 dagar. Dersom du har behov for å endre fleire gonger, kontakt kundeservice.

Enkeltreise:

• Om du har billetten i Vy-appen: Gå til «Billett» og vel reisa du vil avbestille. På billetten trykkar du på «Avbestill», og deretter knappen «Avbestill reisa».
• Om du har billetten på vy.no: Logg deg inn på Mine sider, gå til «Mine billettar og reiser», klikk på detaljar for reisa det gjeld. På detaljsida for reisa trykkar du på knappen «Avbestill reisa».
• Du kan også ta kontakt med kundeservice.

Du kan avbestille billettar sjølv inntil 5 gonger i løpet av 30 dagar. Dersom du har behov for å avbestille fleire gonger, kontakt kundeservice.

Ikkje alle togbillettar kan avbestillast. Sjå refusjonsreglar lenger ned på denne sida for å finne ut kva som gjeld for din billett.

Ved avbestilling av ein SJ NORD-, GoAhead- eller Kolumbus-billett kjøpt hjå Vy, får du ikkje tilbakebetalt bestillingstillegget, og for ein SJ NORD-billett får du heller ikkje tilbakebetalt refusjonsgebyret. Dette gjeld likevel ikkje dersom avbestillinga kjem av forseinka eller innstilt tog – i slike tilfelle kan både bestillingstillegg og refusjonsgebyr bli betalte tilbake.

For å kunne avbestille billetten må du vere logga inn med same Vy-profil som då du kjøpte billetten. Kan du ikkje logge inn med same profil, eller kjøpte du billetten utan å vere innlogga? Ta kontakt med kundeservice.

Vi gjer merksame på at billettar som er skrivne ut (billettautomat eller billettluke) må sendast inn til Entur Kundesenter, Postboks 812, 2626 Lillehammer.

Er billetten skriven ut som PDF-billett kan han avbestillast under billettdetaljar på Mine sider, via kundeservice eller på ein betjent stasjon. Refusjonsfristen reknast som overhalden om billetten er avbestilt i tide.

Ved refusjon vil det ta nokre dagar før beløpet er tilbake på konto.

Billettar frå andre takstområde (t.d. Ruter, Kolumbus, Skyss eller tilsvarande) har eigne refusjonsvilkår, sjølv om dei er kjøpte hos Vy.

Periodebillett

Send ein e-post til tog@vy.noEkstern lenke med namn, kontonummer og Ordre-ID.

Sjå refusjonsvilkår for periodebillett.

Betalte du med gåvekort eller faktura?

Betalte du for billetten med Vy gåvekort, må du kontakte kundeservice for å avbestille.

Ved avbestilling av reiser betalte med faktura refunderer vi ikkje fakturagebyret.

Read this in English.

Periodebillettar som du ikkje kan eller vil bruke lenger, kan refunderast mot eit gebyr på 100 kr.

Refusjonsbeløpet reknar vi ut på følgjande måte:

• 7-dagars billett: Vi trekkjer frå 1/7 av prisen på billetten for kvart døgn, eller del av døgn, som er gått sidan billetten vart aktivert.
• 30-dagars billett: Vi trekkjer frå 1/30 av prisen på billetten for kvart døgn, eller del av døgn, som har gått sidan billetten vart aktivert.
• 365-dagars billett: Vi trekkjer frå 1/300 av prisen på billetten for kvart døgn, eller del av døgn, som er gått sidan billetten vart aktivert.

Refusjonsbeløpet reknast frå den dagen du avbestiller billetten og bed oss om refusjon. Billetten kan ikkje brukast etter at han er avbestilt.

For å få refusjon må du sende ein e-post til tog@vy.noEkstern lenke med namn, kontonummer og Ordre-ID.

Refusjonsreglane for periodebilletten til Vy (inkludert periodebillett med tilleggstenesta setereservasjon) gjeld ikkje for periodebillettar frå andre taktsområde som Ruter, Kolumbus, Skyss eller tilsvarande. Desse har eigne refusjonsvilkår.